"روژه ف" فصلنامهسی، کورد آیدینلاتماسی دیر؟ یوخسا کورد کوشکورتماسی ؟!
چاغداش تبریزلی(88.04.14)
کئچن ایلدن بری غربی آزربایجانین بعضی شهرلری ایله یاناشی سایین قالادادا(شاهین دژ) " روژه ف" آدلی اؤیرنجیسل(دانشجویی) بیر فصلنامه قزئته چیلر طرفیندن ساتیشا قویولوب. " روژه ف" کوردلر دئمیشکن "بحث روز"(گونون دانیشیغی) دئمک دیر. ایلک صحیفهده وئریلن معلوماتا گؤره بو کیتابا بنزهر درگینی حاضیرلایانلار تهران اونیوئرسیتئهسینین کورد اؤیرنجی لری دیر. نشر ایذنی اولمایان بو درگینین صاحب ایمتیازی "قاسم احمدی" دیر. الیمیزده اولان سون روژه ف 8،9 و 10جی ساییلارینی بیر قابیقدا بیرلشدیریر و "تاریخ سیاسی معاصر کردستان"(کوردوستانین چاغداش سیاسی تاریخی) موضوعسوندا 31 مقاله،ترجومه،و باش باشا دانیشقدان عیبارت دیر. حاضیرلاندیغی بیلیم یوردوندان(دانشگاه) چوخ اوزاقلاردا داغیدیلان بو درگیده گئدن یازیلار آراسیندا بیزلری دوشوندوروب راحاتسیز ائدن بعضی مقاملارآ توخونماق ایستهییرم. اومودوم وار ایچریده و ائشیکده یاشایان آزربایجانلیلار بو درگینین بوتون ساییلارینی الده ائتسینلر، چونکو بو کیتابآـ بنزهر درگیلرده گئدن مقالهلر اوزهرینده چوخلو دانیشماق اولار، اینانین هر مقالهیه 10 جواب یازیلسادا، یئنهده محکوم قیلاجاغیمیز چوخلو نکتهلر یئرده قالاجاق دیر. آنجاق منی تعجوبلندیرن مسهله بودور کی ندهن بوگونه قدر ایچریده اولان آزربایجانلیلار بو درگیده اؤنه سورولن قابا ایددیعالار بارهسینده و اوندان داها اؤنملی اولان مسهله یعنی درگیلرین هارالاردا داغیدیلدیغی حاقدا هئچ بیر شئی یازماییبلار؟! اولا بیلسین کی کوردلرین اصیل صوفتلرینی تانیییب و بئله بیر قناعته گلیب لر کی نئجهکی ایلانین آغی ایله قاراسی آراسیندا ائله بیر فرق یوخدور؛ کوردـونده آیدینی ایله باش کسنی آراسیندا بیراو قدهرده فرق یوخدور1 و اونلارلا دیپلوماتیک دیلله دانیشماغا دَیمه ز. آنجاق نه اولورسا اولسون اونلار بیزیم تورپاقلاریمیزا گؤز تیکیبلر و بو ایستکلرینه وارماق اوچون واراولان مدنیـ غئیر مدنی شیوهلری اؤنه توتوب بوتون گوجلرینی ایشه سالیبلار.(1. ان آزیندان اؤز داورانیشلاری و اؤیوندوکلری تاریخ و تاریخی شخصیتلر بو دئدیکلریمیزه دلالت ائدیر.)
ایلک باشدا دئمهلییهَم کی 465 صحیفهلی(اؤزوده اؤیرنجیسل بیر چالیشما) بیر کیتابین دَیَرینین 3 مین تومَن اولماسی دوشوندوروجو دور. ایراندا یوکسک کئیفییَتلی کاغیذدان حاضیرلانمیش(و ریسوگراف اولمایان) بئله بیر کیتابین ان دوشوک دَیَری، ان آزی بونون ایکی قاتی دیر. او اوزدن بئله نتیجه آلیریق کی هئچ شوبههسیزکی بو کیتابین(درگی) باسیلیب داغیدیلماسیندا، کورد تئروریست تشکیلاتلارینین مادی یاردیملاری کئچیر .
یاییملاما ایذنی اولمادیغیندان دولایی، تبریز کیمی بؤیوک شهرلرده تاپیلمایان بو و بو کیمی درگی و کیتابلارین، سایین قالا(شاهین دژِ آزربایجان غربی) کیمی کیچیک و سون درجه حساس منطقهلرده داغیدیلماسیدا ائله اؤزـاؤزلوگونده بیر موباحیثه مؤوضوعسو دور. اوزون ایللر دیر کی غربی آزربایجان تورپاقلارینی صاحیبلنمهیه جان آتان کوردلر، بو یولدا اؤزلرینی داغا داشا وورولار و سئچدیکلری یوللارین چوخوسو غیر اینسانی و غیر دئموکراتیک اولسادا آنجاق سون زامانلاردا اوزده، فرهنگی و مدنی چالیشمالارینی یوغونلاشدیرمیشدیلار. اؤرنهگین اورمو، سالماس، سایین قالا(شاهیندژ) ، قوشاچای(میاندوآب)، سولدوز(نقده) و تیکان تپه(تکاب)ده سوـ سودان ترپشدیگی زامان اؤز رادیو و تئلوزیونلاریندا بو خبری (اؤزلری دئمیشکن) کوردوستانین خبرلری سیراسینا یئرلشدیریرلر. اوستهلیک فارس دیلینده یاییلان خبرلریندهده بو آدینی چکدیگیم بؤلگهلرین خبرلرینه یئر وئریرلر ؛ کی نه اولوب او تورپاقلاری ایراندا یاشایان باشقا بیطرف میللتلره کوردوستان کیمی تانیتدیرسینلار .
دؤنهلیم روژهفـده گئدن بیرسیرا تحریفلره، یالانلارآ:
روژهفـی اوخویان هر کس یئنی بیر شئی اؤیرهنیر: سن دئمه تاریخی آرشیولر اوزه چیخدیقجا ،داها اؤنجهدن باغیردیقلاری 4 پارچایا بؤلونموش سؤزده کوردوستان(ایران کوردوستانیـ عیراق کوردوستانی ـ تورکیه کوردوستانی ـ و سوریه کوردوستانی) داهادا گئنیشلهنیب حتی قؤزئی آزربایجانین دا کوردوستانی اورتایا چیخیر. ائلهکی گویا 1324- 1325 جی ایللرین حادیثهلرینده، شوروی دؤولتی قوزئی آزربایجانین قاراباغیندا و لاچین شهرینده " قیزیلی کوردوستان" ("کردستان سرخ" :کردستان شوروی به مرکزیت لاچین) یاراتماق ایستهییرمیش!!!(روژهف 8،9،10 ـ 131جی صحیفه) شوروینین بئله بیر دؤولت یاراتماق ایستهییب ایستهمهمهسینی دوغرولاییب و یا یانلانلایاجاق فیکریمیز یوخدور. اونسوزدا روسلاردان بئله ایشلر هئچده بعید دئییل! آنجاق قودورغون کورد آیدینلاری طرفیندن اورتایا آتیلان ایددیعالار ، بیریاندان گونئی آزربایجانین "غربی آزربایجان" ایالتینین تمامینیـ بیجار،قوروه، سونقور شهرلری ـ زنجان و همدان ایالتینین غرب حیصهلرینی هدهلهییر دیگر یانداندا ائرمنی داشناکلاری طرفیندن ایشغال اولونان قوزئی آزربایجانین قاراباغینی گویا کوردوستاننین بیر پارچاسی ایمیش کیمی گؤستریر. داها اؤنجهدنده خیالی کوردوستان خریطهسینین داخیلینده، قوزئی آزربایجانین ناخجیوان شهرینی، گؤرموشدوم.آما قاراباغین، کوردوستان اولماسینی بو درگینی اوخودوقدان سونرا اؤیرندیم!. آما هلهلیک آزربایجانیمیزین باغیمسیز بؤلوموندن، قوپاریلمیش قاراباغی، کوردوستان آدلاندیرماق بونا بنزهییر کی : اُوغرو ، باشقا اوغرونون جیبینی سویور!.
سویداشلاریم دیققت ائتمهلیدیرلر کی کوردون آیدینی و ضیالیسی بئله دوشونورسه، وای تپهدن دیرناغا سیلاحلانمیش داغدان یِئنه نینه!
درگیده گئدهن باشقا تحریفلر، شیشیرتمهلر و کیچیکلتمهلردن بیریده 1324 ـ 1325 اولایلاری اوزهرینده گئدیر. ائله کی او زامانکی حادیثهلردن سؤز گئتدیگی زامان، چوخ اوستالیقلا "آزربایجان میللی حؤکومتی"نی کیچیلدهرک " حوکومت تبریز" سؤزوندن ایستیفاده ائدیب اوبیری یاندان آزربایجان دؤولتینین ایچینده فرهنگیـ مدنی خودموختارلیق آلمیش "مهاباد حؤکومتی"نی، گویا "جمهوری کردستان" ایمیش کیمی تبلیغ ائدیرلر!.
کیتابدا و یا دوزگون دئسک درگیده گئدن یازیلاردا چوخ اوستالیقلا، ائرمنیلر حاققیندا بئله بیرفیکیر ایره لی سورورلرکی اونلار قونشولاری{!!!} کوردلر کیمی بؤلگهنین ان مظلوم میللتی ساییلیرلار. بیریئرده مینورسکینین دیلیجه یازیلیر کی:" کوردلرین ان یاخین و ان قدیم قونشولاری ارمنی لر دیر..." (ص 81).هابئله "سادیسم" (ص 48) آلتباشلیقلی بیر مقالهده؛ پهلوی دؤولتی (ریضاخانی)، صفویلری(شاه سلطان حسین)،تورکیه دؤولتینی و اونون اساس قوروجولاریندان اولان اوزامانکی گنج تورکلری، سیستملرو شخصلر اولاراق بیر نؤوع سادیسمَه موبتلا اولدوقلارینی ایددیعا ائدیر!.
درگینین 90جی صحیفهسینده بئله بیر باشلیق وار " ولایت و ایل مُکری" {: ... شمال ولایت اردلان[استان کردستان] ، جنوب و غرب دریاچهی ارومیه ... ولایت مُکری در این ناحیه از ایران واقع شده است و از شمال به دریاچه ارومیه و جلگه های ناحیه سلدوز، از شرق به جلگه های میاندوآب و تکاب و از جنوب به سرحد عراق و خاک پشدر و از غرب به مرزهای ایران و عراق محدود می شود...} کوردلرین (سؤزده) آیدینلاری طرفیندن محدودهسی بلیرلَنَن قوندارما "موکریان" منطقهسی و یا ایالتی، ایرانین غربی آزربایجان ایالتینین هارداسا یاریسینا شامیل اولور. بو قوندارما ایالتده، آزربایجانین ان آزیندان 9 شهری اوغورلانیلیر. هر هانکی بیر تاریخی سندده نه آدینا نَدَه ایزینه راست گلمه دیگیمیز "موکریان" ایالتینین یارادیلماسی پروژه سی، اوزون ایللردیرکی کورد تئروریستلری و فارس فاشیستلری طرفیندن گئرچکلشمه سی اوغروندا هر تور چابا گؤستریلیر. ایران پارلامئنتی سویه سینده بئله گوندمه چیخاریلان موکریان ایالتی، غربی آزربایجانی ایکییَه بؤلرک کیچیلدیب، ایران گَنَلینده(عموموندا) داها بیر کورد ایالتینین یارانماسینا پیلانلاشان شوم بیر پروژه دیر. بو خیالی و قونداراما ایالتین باشکندی، قدیم آدی سویوق بولاق اولان، مهاباد شهری اؤن گؤرولوب دور(پیشبینی اولونوب دور). آرا سیرا ایران مئدیالاری طرفیندن یاخین گلهجکده بوکان (قدیم بیَگ کندی) مرکزلی بوکان اوستانـینین دا یارادیلاجاغی سیگناللاری وئریلیر. بو ایکی قورخونج پروژه نین گئرچکلشمه سی تقدیرده آزربایجانـآ عایید ان آز 9 شهر کوردلره وئریله جک دیر، کی بو 9 شهرین 4 شهری(سولدوز،قوشاچای، سایین قالا، تیکان تپه) آزقالا تمامن تورک شهری ودیگر 5 شهری تورکـکورد قاریشیقلی(اوشنویه ـ خانا:پیرانشهرـ ساری داش:سردشت ـ سویوق بولاق:مهابادـ بیگ کندی: بوکان) شهرلر دیر.
***
دوشونورم "روژهف"ده گئدن بوتون غئیر علمی چالیشمالاری اینجهلهییب بیر بیر پاسینی چیخارماق بیر مقالهنین دئییل، اونلارلا بلکهده یوزلرله کیتابین ایشی دیر. آنجاق اؤنملی اولان بودورکی بئله یازیلار ، آنجاق کوردلرین ایچینده وار اولان تورک دوشمنلیگی دویغوسونو کؤروکلهییر. باشا دوشمک لازیم دیر کی 30 ایل بوندان اؤنجه " کورد و عجم فرقی نییه"(کورد له تورکون فرقی یوخدور) دئیین کوردلر سولدوز1 فاجیعه سینی باشیمیزآ آچدیلار گؤرون تورکلره: سادیسمی اولان تورکلر دئییب و سانکی تورکلر، کوردلرین تورپاقلارینی آلمیش کیمی دوشونن کوردلر، گلجکده نه اویونلار چیخارا بیله رلر. (1.باشقا شهرلردهده او جوملدن سایین قالادادا زامان زامان تؤره دیلن جینایتلر سولدوزداکی حادیثه لردن هئچده گئری ده قالماز دئییه دوشونورم.)
بئله درگی لری اوخودوقدان سونرا دوشونمک اولور کی بو یازیلارلا، کوردلری نئجه فیکرن مصموملاشدیریب علیه یمیزه کوشکوردورلار!.
دیققت ائتمک لازیم دیر کی بعضی آزربایجانلی لار، کوردلرین تورپاق ایددیعالاری قارشیسیندا "ایت هورهر ، کَروان کئچَر" دئییب بو ایشلری ایله غئیرمستقیم اولاراق میللی دردلریمیزین ان اساسلیلاریندان بیریسی اولان کوردلرین تورپاق ایددیعالارینی هئچ ساییرلار. فیکریمجه بو ایشلرله، کَکلیک باشینی قارا تَپَن کیمی آنجاق اؤزوموزو آلدادیریق. بیرده دئمک لازیم دیر کی بیزلرده بیر آتا سؤزو وار"سو دورار، دوشمن دورماز" بو آتا سؤزونون میصداقیندا، دئمک ایستهردیم کی آییق اولماق لازیم دیر بو ایددیعالار آنجاق تئوریک آلاندا و سؤزده یورودولمور. دیققتینیزی چکمک ایستهردیم کورد سیلاحلیلارینین فعالیتلرینیه، کئچن ایگیرمی ایللیگه دَک داها چوخ کوردوستان و کیرمانشاه ایالتینده هابئله غربی آزربایجانین جنوب غربینده ساواشان کورد سیلاحلیلاری، یاشادیغیمز سون ایگیرمی ایلدن گونوموزه قدهر تقریبن بوتون فعالیتلرینی بیزیم تورپاقلاریمیز اولان ماکی، اورمو، سالماس، سایین قالا، قوشاچای، سولدوز و تیکان تپهده گئرچکلشدیریرلر. دیققت ائدین کورد تئلوزیون کاناللاری آدینی چکدیگیم یئرلره، غربی آزربایجان دئییل، روژههلاتِ کردستان(دوغو کوردوستان) آدی وئریرلر. آزربایجانین موحافیظهکار آیدینیـنا وار اولان سونسوز سایقیمی بیلدیره رک سورماق ایسته ییرم : دوغورداندا بو مو دورکوردلرله بیزیم قارداشلیغیمز؟! اینانیرام بو تیپ اینسانلارین چوخو مَسهلهنین نه قدهر دَرین اولدوغونو بیلمیرلر و میللتیمزین بو تیپ دوشونورلری یوزده یوز، باتی آزرباجانآ بیر دفعه اولسون بئله یوللاری دوشمه ییب. آنجاق اونلارا دئمک ایستهردیم، بیر شئییی یاخشی بیلیریک و قئید ائتمهگینی یارارلی گؤرورم اودا بودورکی : دوزگون قونشولوق نه بیلیم دوستلوق ـ قارداشلیق بیر طرفلی اولماز.
"گلهجک بیزیمدیر..."
